Lunas Gamit ang Halamang Gamot at Haydroterapi/Lunas sa lagnat

Paggamot ng Tubig

• Pagkalooban ang pasyente ng punas-na-paligo Kung ang lagnat ay mataas at ang mga braso at mga paa ay malamig, pagkalooban ang pasyente ng mainit na punas-na-paligo, at malamig naman kung balat ay tuyo at mainit. Kung karaniwan ang init ng balat, gumamit ng maligamgam na tubig. Ulitin ito ng 3 beses o higit pa, kung kailangan, sa loob ng isang araw. (Paraan)

• Panatilihing nakahiga ang may karamdaman at may patuloy na malamig na pomento sa noo. (Paraan)

• Mainit na paligo sa paa. Kung ang lagnat ay bunga ng trangkaso, pagkalooban ang pasyente ng mainit na paligo sa paa sa umaga at sa gabi, pagkatapos ng hapunan. (Paraan)

• Uminom ng tubig o anumang katas ng prutas bawat oras sa panahong gising.

Paggamot ng Halaman at iba pa (punas)

Suka

	Lagyan ng 2 kutsarang suka ang isang palanggana ng malamig na tubig.
	Gamitin itong pang-pomento sa noo kung walang yelo.

Balimbing

	Pakuluan ng 10 minuto ang 2 tasa ng tinadtad na dahon sa ½ galong tubig. Salain. Palamigin sa loob ng 2 oras.
	Gamitin ito para sa malamig na pomento kung walang yelo.

Kamyas

	Pakuluan ng 15 minuto ang 3 tasa ng tinadtad na sariwang dahon sa isang galong lubig. Salain.
	Gamitin ang tubig para sa malamig o mainit na punas na paligo.

Paggamot ng Halaman na Iniinom

Gamitin ang isa sa sumusunod na panggamot upang matulungan ang pagpapababa ng lagnat.

Tagulinaw

	Pakuluan ng 10 minuto ang isang tasa ng tinadtad na sariwang dahon at buong halaman sa 2 basong tubig.
	Dosis: Matanda: 1 tasa bawat 4 na oras. Bata: (7-12 taon) ½ tasa bawat 4 na oras. (2-6 taon) ¼ tasa bawat 4 na oras. Sanggol: 1 kutsara bawat 4 na oras.

Buto ng Okra

	Magsangag ng mga tuyong buto at dikdikin ng pino. Kumuha ng ½ tasa at pakuluan ng 15 minuto sa 2 basong tubig. Palamigin at salain.
	Dosis: Matanda: 1 tasa, 3 ulit maghapon pagkatapos kumain. Bata: (7-12 taon) ½ tasa bawat 4 na oras. (2-6 taon) ¼ tasa, 3 ulit maghapon pagkatapos kumain. Sanggol:1 kutsara, 3 ulit maghapon pagkatapos kumain.

Lagundi

	Pakuluan ng 15 minuto ang 4 na kutsarang tinadtad na tuyong dahon o 6 na kutsarang tinadtad na sariwang dahon sa 2 basong tubig.
	Dosis: Matanda: 1 tasa, bawat 4 na oras. Bata: (7-12 taon) ½ tasa bawat 4 na oras. Sanggol:1 kutsara bawat 4 na oras.