Pagluluto:Sago't Gulaman

Sangkap

3	tasa	asukal
2	tasa	tubig
1	tasa	lutong sago
1	piraso	gulaman, hiniwang pakuwadrado
2	tasa	kinaskas na yelo

Paraan ng pagluto

1. Para sa pagluluto ng sago, magpakulo ng tubig sa kaserola.
2. Ilagay ang hilaw na sago.
3. Haluin para hindi magdikit-dikit.
4. Lutuin hanggang lumambot.
5. Salain.
6. Papulahin ang asukal sa kaserola hanggang magkakulangot
7. Ibuhos nang dahan-dahan ang tubig.
8. Lutuin hanggang matunaw at maging arnibal.
9. Palamigin.
10. Haluan ng kaunting arnibal ang sago at gulaman para tumamis.
11. Sa mga baso, maglagay ng kaunting sago at gulaman.
12. Lagyan ng katamtamang dami ng arnibal.
13. Dagdagan ng malamig na tubig o kinaskas na yelo ayon sa nais.