Pagluluto:Papaitan

Sangkap

½	kilo	lamang-loob ng baka (tripa, atay, bato, puso, lapay, bituka)
¼	kilo	lomo ng baka (hiwa sa ½" cubes)
¼	tasa	apdo
1	piraso	sibuyas (tinadtad)
1	ulo	bawang (tinadtad)
1	piraso	luya (tinadtad)
1	pakete	sinigang mix
¼	tasa	dahon ng sibuyas
2	piraso	siling labuyo
3	kutsara	asin
½	kutsarita	asin
½	kutsarita	paminta
1	kutsara	patis

Paraan ng pagluto

1. Hugasan at lamasin ang hilaw na lamang-loob sa dahon ng saging na may 3 kutsarang asin para maalis ang amoy.
2. Siguraduhing malinis na malinis ang bituka.
3. Kapag malinis na, pakuluan sa isang malaking kawali hanggang malambot. Iahon at hiwain sa 1/2" na cubes o haba. Itabi.
4. Igisa ang luya, bawang, at sibuyas.
5. Kapag naluto ang sibuyas, ihalo ang lamang-loob.
6. Budburan ng asin at paminta ayon sa panlasa.
7. Ihalo at pagkatapos ay ibuhos ng sapat na tubig upang masakop ang timpla.
8. Pakuluan at pagkatapos ay isama ang mga lomo ng baka.
9. Pakuluan hanggang daluyang maluto ang lomo.
10. Ihulog ang siling labuyo.
11. Idagdag ang mga apdo ng pahinay-hinay (maging maingat para hindi masyadong mapait ang lasa)
12. Lagyan ng patis ayon sa panlasa.
13. Ihain sa isang mainit na mangkok at palamuti ng tinadtad na dahon ng sibuyas. Huwag ihain ng malamig.