Pagluluto:Lumpiang Sariwa

Sangkap

Palaman

¼	tasa	mantika
1	kutsara	tinadtad na bawang
½	tasa	sibuyas, tinadtad
¼	kilo	giniling na baboy
2	tasa	toge
1	tasa	karots, hiniwang makitid at mahaba
1	tasa	repolyo, ginayat
½	kutsarita	asin pantimpla
½	kutsarita	paminta pantimpla
1	kutsarita	asukal pantimpla

Lumpia wrapper

1	piraso	itlog
1 ½	tasa	tubig
1	kutsarita	asin
1	kutsarita	mantika
1	tasa	sinalang arina

Sarsa

2	tasa	tubig o sabaw ng gulay
½	tasa	pulang asukal
3	kutsara	toyo
1	kutsarita	asin
3	kutsara	cornstarch
3	kutsara	tubig
3	kutsara	dinikdik na bawang, pinirito

Paraan ng pagluto

Palaman

1. Painitin ang mantika sa kawali at igisa ang bawang at sibuyas.
2. Idagdag ang giniling na baboy at lutuin ng ilang minuto.
3. Isama ang mga gulay.
4. Timplahan ng asin, paminta at asukal ayon sa panlasa.

Lumpia wrapper

1. Batihin ng bahagya ang itlog.
2. Idagdag ang tubig, asin at mantika.
3. Ibuhos ng dahan-dahan ang arina at batihin hanggang maging pino. Ito ang ating batter.
4. Salain.
5. Pahiran ng kaunting mantika ang teflon pan.
6. Kapag mainit na ay magbuhos ng 2 kutsara ng batter.
7. Hayaang kumalat hanggang matakpan nang buo ang kawali.
8. Kapag humiwalay na ang mga gilid ay alisin na ang pambalot.
9. Gawin ito para sa lahat ng batter.
10. Itabi ang mga nalutong pambalot.

Sarsa

1. Pag-arnibalin (caramel) ang asukal.
2. Tunawin ang cornstarch sa 3 kutsara ng tubig. Ibuhos.
3. Idagdag ang nalalabing mga sangkap maliban sa bawang.
4. Lutuin hanggang lumapot.
5. Isalin sa maliit na mangkok at ibudbod ang bawang.

Paghanda

1. Maglatag ng isang pambalot sa isang pinggan.
2. Maglagay ng 3 kutsara ng palaman sa gitna.
3. Balutin.
4. Dampian ng tubig o binating itlog para magsara.
5. Ihain kasama ng sarsa.