Pagluluto:Inipit

Sangkap

Cake

6	piraso	itlog (hiniwalay ang pula sa puti)
4	kutsara	malamig na tubig
1	tasa	asukal
1	tasa	arina
1	kutsarita	baking powder
¼	kutsarita	cream of tartar
¼	tasa	asukal

Palaman

½	kilo	patatas, nilaga at niligis
¾	tasa	asukal
1	kutsarita	ginadgad na balat ng dayap
¾	tasa	gatas
¼	tasa	mantikilya
3	piraso	pula ng itlog

Paraan ng pagluto

1. Painitin ang oven sa 325°F.
2. Pahiran ng shortening o mantika ang dalawang 13" x 9" pahabang baking pan at sapinan ng brown paper.
3. Itabi.

Cake

1. Sa isang mangkok, batihin ang pula ng itlog.
2. Idagdag ang tubig at asukal at batihin hanggang lumapot.
3. Salain ang arina at baking powder.
4. Masinsing ihalo sa binating itlog.
5. Itabi.
6. Sa mixer, batihin ang puti ng itlog at cream of tartar hanggang soft peaks stage.
7. Idagdag ng dahan-dahan ang asukal at batihin hanggang stiff peaks stage.
8. Masinsing ihalo ang binating pula ng itlog.
9. Ibuhos sa baking pan.
10. Hurnuhin hanggang maluto ang cake.

Palaman

1. Sa isang kaserola, paghaluin ang mga sangkap maliban sa pula ng itlog.
2. Lutuin hanggang lumapot habang tuloy-tuloy na hinahalo.
3. Isama ang pula ng itlog at lutuin pa ng ilang minuto.

Huling bahagi

1. Ipalaman ang nilutong patatas sa pagitan ng dalawang cake.
2. Pahiran ang ibabaw ng tinunaw na mantikilya.
3. Budburan ng asukal.
4. Hiwain sa malililt na pansukat.
5. Itabi sa repidyerator.