Pagluluto:Cocido

Sangkap

Sarza Español

¼	tasa	olive oil
1	ulo	bawang, tinadtad ng pino
2	piraso	malaking sibuyas, tinadtad ng pino
½	kilo	kamatis, tinadtad ng pino
1	lata	tomato sauce
¼	kilo	Sweet Ham, tinadtad ng pino
2	piraso	Chorizo Bilbao Style, tinadtad ng pino
1	piraso	siling pula, hiniwang pakuwadrado
½	tasa	red wine
2	kutsarita	paprika
¼	kutsarita	asin
¼	kutsarita	paminta

Karne at Gulay

½	kilo	karne ng baka, nilaga at hiniwa sa katamtamang laki
½	kilo	manok, nilaga at hiniwa sa katamtamang laki
½	kilo	karne ng baboy, nilaga at hiniwa sa katamtamang laki
½	kilo	repolyo, inapat at binanlian
½	kilo	pechay, hiniwa sa dalawa at binanlian
¼	kilo	patatas, nilaga at inapat
¼	kilo	abitsuelas, binanlian at hinati sa dalawa
1	piraso	carrot, binanlian at inapat
¼	kilo	kamote, nilaga at inapat
¼	kilo	sweet ham, hiniwang pahaba
2	piraso	sibuyas, tinadtad ng pino
3	piraso	Chorizo Bilbao Style, hiniwang pahilis
¼	kilo	garbansos, nilaga
12	piraso	saging na saba, nilaga

Paraan ng pagluto

1. Magpainit ng mantika sa kawali at igisa ang bawang, sibuyas at kamatis.
2. Lutuin ng 5 minuto.
3. Salain.
4. Ibalik sa kawali at idagdag ang tomato sauce, ham at chorizo.
5. Pakuluan hanggang lumapot.
6. Idagdag ang siling pula, wine at paprika.
7. Timplahan ayon sa panlasa.
8. Ilagay ang mga karne, gulay at saba sa isang malaking bandehado.
9. Iayos sa ibabaw nito ang ham, sibuyas, chorizo at garbansos.
10. Ihain ang sarsa sa hiwalay na mangkok.
11. Ang pinaglagaan ng mga karne ay maaring timplahan at ihain na sabaw.