Pagluluto:Chilled Asparagus Soup

Sangkap

1	tasa	hiniwang sariwang asparagus
4	tasa	malinis na tubig
½	kutsarita	asin
½	kutsarita	paminta
1	kutsara	mantikilya
2	kutsara	arina
1	tasa	cream
½	tasa	tinustang almonds

Paraan ng pagluto

1. Lutuin ang asparagus sa tubig na tinimplahan ng asin at paminta.
2. Paglambot ay hanguin.
3. Ilagay sa blender kasama ng kaunting gatas o cream.
4. Gilingin hanggang pumino.
5. Painitin ang mantikilya at ihalo ang arina.
6. Lutuin ng ilang minuto ngunit huwag papulahin.
7. Ito ang white raux na gagamiting pampalapot ng sabaw.
8. Pakuluin ang pinaglagaan ng asparagus.
9. Palaputin ng sapat na white raux.
10. Ihalo ang giniling na asparagus at lutuin ng 5 minuto.
11. Isama ang cream at pagkatapos ay alisin sa apoy.
12. Palamigin sa repridyerator.
13. Ihaing malamig na malamig sa mga mangkok.
14. Palamutian ng kaunting binating cream at almonds.