Lunas Gamit ang Halamang Gamot at Haydroterapi/Mainit na pomento

Pakahulugan

Ang paglalapat ng init sa isang maliit na bahagi sa pamamagitan ng mainit na gasa o damit pampomento.

Isang palanggana ng mainit na tubig (40°C), o kasing-init na kayang tiisin.
Gasa o damit na pampomento (Iabakara o bimpo) o anumang malinis na piraso ng damit.
Solusyon ayon sa tagubilin. Maaaring gumamit ng pinakuluang mga dahon ng bayabas para sa naimpeksyong sugat.
Mga lumang diyaryo para sa mga nagamit na mga bendahe.
Langis o krema para sa sanggol (gamitin lamang para sa pomento sa mata).

Magpakulo ng tubig o mga dahon ng bayabas kung ang pomento ay para sa sugat na may impeksyon.
Lagyan ng langis o krema para sa sanggol ang noo at talukap ng mata, kung ang pomento ay sa mata.
Pigain ang pomento na itinubog sa mainit na tubig o solusyon. Hawakan ang magkabilang dulo ng damit na pampomento at pilipilin nang bahagya. Ilubog ito sa mainit na tubig o solusyon at pilipitin nang mahigpit na hinihila ang magkabilang dulo upang maalis ang tubig.
lIapat nang banayad ang pomento sa bahaging gagamutin.
Palitan ang pomento tuwing 3 minuto. Ang pomentong ginamit sa sugat na may impeksyon ay huwag gamiting muli.
Ipagpatuloy ang pomento hanggang 15 o 20 minuto, na inuulit tuwing 3 minuto. Panatilihing mainit ang tubig o solusyon.
Pagkatapos, alisin ang pomento; patuyuin ang bahaging pinomentuhan.
Pahiran ng gamot o ointment ayon sa tagubilin ng doktor ang mga sugat na may impeksyon, pigsa at ulser.
Lagyan ng esterilisadong gasa at panatilihing tuyo.

	PAG-IINGAT: Huwag maglalagay ng mainit na pomento kung may pagdurugo.