Pagluluto:Hainanese Chicken

Sangkap

1	buo	manok (mga 1 ½ kilo)
½	tasa	tinadtad na sibuyas na mura
1	piraso	maliit na luya, tinadtad
2	kutsarita	rice wine
1	kutsarita	asin
16	tasa	sabaw ng manok
1 ⅔	tasa	bigas
1	kutsarita	mantika
¼	kilo	pechay Baguio

Sarsa

2	kutsara	mantika
¼	tasa	hiniwang sibuyas na mura
1	piraso	maliit na luya, ginadgad

Paraan ng pagluto

1. Linisan ang manok at punasan para matuyo.
2. Paghaluin ang sibuyas na mura, luya, rice wine at asin.
3. Ipahid sa loob at labas ng manok.
4. Isantabi ng isang oras.
5. Ihanda ang pasingawan na may sabaw ng manok.
6. Pasingawan ang manok ng 45-50 minuto o hanggang lumambot.
7. Palamigin bago hiwain sa katamtamang laki.
8. Iayos sa pinggan.
9. Hugasan ang bigas.
10. Painitin ang mantika sa kaserola at igisa ang bigas.
11. Magdagdag ng sapat na sabaw ng manok para maluto ang bigas (sa isang tasang bigas maglagay ng 2 tasang sabaw).
12. Takpan at hayaang kumulo.
13. Hinaan ang apoy at hayaang maluto ang bigas.
14. Pakuluin ang natitirang sabaw at ihulog ang pechay para maluto.
15. Hanguin ang pechay.
16. Paghaluin ang mga sangkap ng sarsa.
17. Ihain ang manok kasama ng sinaing, nilutong pechay, sabaw at sarsa.