Pagluluto:Chicken Curry

Sangkap

1	kilong	manok
2	pirasong	sibuyas
2	pirasong	siling berde,na malalaki
½	kutsarita na	curry powder
2	tasang	gata ng niyog
½	tasang	purong kakang-gata
½	kutsaritang	asin
½	kutsaritang	pamitang durog
3	butil ng	bawang
¼	tasa ng	mantika
½	tasa na	tubig

Paraan ng pagluto

1. Prituhin ang manok ngunit huwag gaanong papulahin.
2. Sa dalawang sibuyas, ang isa ay hiwain nang pino. Malaki naman ang gawing hiwa sa isa pang sibuyas.
3. Hiwain sa 3-4 ang siling berde.
4. Pitpitin ang bawang at papulahin sa mantika.
5. Isunod ang sibuyas na pino ang hiwa.
6. Makaraan ang ilang sandali ay magkakasabay na ihulog ang manok, sibuyas (malalaki ang hiwa) at sili.
7. Tunawin ang curry powder sa tubig at isama sa gata ng niyog. Ibuhos ito sa manok.
8. Timplahan ng asin at pamintang durog.
9. Pakuluin hanggang lumambot ang manok at lumapot ang sabaw. Kung hindi pa lumalambot ang manok at natutuyuan na ang sabaw, dagdagan pa ng ½ tasang gata at ½ tasang tubig.
10. Kung malambot na ang manok at halos manuyo ang sabaw ay ibuhos ang kakang-gata o purong gata.
11. Halu-haluin at lutuin pa ng mga 1 minuto at patayin ang apoy.